人生第一次教蛋糕班！
開始上堂我嘅開場白係：「今日我飾演一個蛋糕老師！」
人到中年，轉行的確唔容易！要重新學一門手藝，然後仲要扮老師開班教人，我覺得自己相當狂妄！
「有嘢難到我咩？」我由細到大嘅口頭蟬…
不過真係無諗過舊年會咁困難… 差少少就過唔到…
我知道我唔可以認輸，因為有好多情緒有問題嘅朋友都睇住我，憑住我地互相鼓勵，天天交流，有好多朋友都有好轉！我自豪地話俾你知，我係對呢個世界有貢獻架！
多謝Electrolux伊萊克斯及香港代理大昌行對我嘅信任，對於我呢個蛋糕初哥，全面贊助我嘅所有爐具、廚師機、雪櫃、搞拌機等等等等歐洲產品！明知我係新仔都從來無懷疑我，呢種信任，唔知嘅人以為有親，實在我當初真係膽粗粗cold call對方sponsor我…
我人生第一個蛋糕班，當然係破處俾大昌行嘅同事先更具意義啦！
朋友，人生奇幻處處！雖然我教過無數戲劇班、剪接班、甚至賭場都教過好幾間… 但係堅無諗過會教蛋糕班！
希望以後嘅蛋糕班會見到您！
感恩！
Search